Бидэн рүү хамгийн олон хандаж буй хүмүүсийн нэг бол хүүхдийнхээ талаар санаа зовсон ээжүүд. Асуултууд нь ихэвчлэн адилхан байдаг.
Юуг анзаарах вэ
Хүүхэд унтаж байхдаа амаа ангайдаг уу? Хурхирдаг уу? Унтаж байхад нь чимээ гардаг уу? Өглөө сэрэхэд ам нь хатсан байдаг уу?
Өдрийн цагт: амаа ангайж сууж байдаг уу? Юманд амархан сандардаг уу? Ангидаа төвлөрч чаддаггүй гэж багш нь хэлдэг үү?
Эдгээрийн хэд нь тохирч байна вэ гэдгээс илүү, тэдгээр нь хамтдаа илрэх нь чухал. Ихэвчлэн нэг л шалтгаанаас гардаг.
Яагаад эрт анзаарах нь чухал вэ
Хэлний байрлал тагнайг тэлж, дээд эрүүний хөгжлийг тодорхойлдог. Хэл тагнайдаа наалдаж байвал тагнай өргөн, шүд жигд ургах орон зайтай болдог.
Амаар амьсгалдаг хүүхдийн хэл доошоо унасан байдаг. Тагнай нарийсаж, нүүрний хэлбэр өөрөөр төлөвшдөг. Энэ салбарыг myofunctional therapy гэж нэрлэдэг.
Хүүхдийн ясны хөгжил үргэлжилж байгаа тул эрт залруулах нь хамгийн хялбар. Насанд хүрсэн хойно ижил өөрчлөлт хийхэд илүү удаан хугацаа шаарддаг.
Нойр ба төвлөрөл
Шөнө амьсгал нь дахин дахин бөглөрдөг хүүхэд гүн нойронд бүрэн орж чаддаггүй. Бие амрахын оронд стрессийн горимд шилждэг.
Өглөө нь ядарсан, өдөр нь тэвчээргүй, ангидаа төвлөрдөггүй хүүхэд гардгийн шалтгаан нэлээдгүй тохиолдолд энэ.
Хүүхэд дасгал хийж чадах уу
Чадна. Хүүхдэд зориулсан хөнгөвчилсөн хувилбар бий — богино, тоглоом шиг, хүчлэхгүй.
Гол зорилго нь нарийн техник биш, харин амаа хааж сурах. Бусад нь түүний араас ирдэг.
