4–6 амьсгал
Унтахын өмнө 4 секунд авч, 6 секунд гаргана. 5–10 минут. Гаргалт урт байх нь тайвшралын горимыг асаадаг.
Нойр, хурхирал
Нойргүйдэл, хурхирал, нойрны апноэ
Шөнөжингөө унтсан ч амарсан мэдрэмж төрдөггүй бол асуудал нойрны урт биш, харин нойрны чанарт байна.
Танил шинжүүд
Өглөө сэрэхэд ам хатсан байдаг
Хурхирдаг гэж гэрийнхэн хэлдэг
Шөнө хэд хэдэн удаа сэрдэг
8 цаг унтсан ч ядарсан хэвээр
Өглөө толгой өвддөг
Өдрийн турш нойрмоглодог
Яагаад ийм болдог вэ?
Унтаж байхад амаараа амьсгалбал хэл ар тийшээ унаж, амьсгалын зам нарийсдаг. Энэ нь хурхирал үүсгэдэг бөгөөд хамгийн хүнд тохиолдолд амьсгал бүрэн зогсдог — үүнийг нойрны апноэ гэдэг.
Хичээл дээр бид Монголд хийгдсэн нойрны нэгэн шинжилгээг үздэг. 15 настай хүүхдийн амьсгал шөнийн турш 10 удаа бөглөрч, тус бүр нь 10–16 секунд үргэлжилсэн байдаг. Тэр агшинд зүрхний цохилт эрс унадаг.
Ийм зүйл шөнөжингөө давтагдвал бие амрахын оронд стрессийн горимд шилждэг. Тиймээс өглөө амарсан мэдрэмж төрдөггүй.
Юу өөрчлөгдөх вэ?
- Хамраар амьсгалснаар амьсгалын зам нээлттэй хэвээр байна
- Хэл зөв байрлаж, ар тийшээ унахаа болино
- Шөнө сэрэх тоо цөөрдөг
- Өглөө ам хатахаа больдог
- Унтахын өмнөх дасгал мэдрэлийн системийг тайвшруулна
Ямар дасгал хийх вэ?
Хэлний байрлал
Хэлээ бүтнээр тагнайд наан унтах. Эхлээд хэцүү ч хэдхэн хоногт зуршил болдог.
Ам наах
Шөнийн турш хамраар амьсгалахыг баталгаажуулна. Эхлээд өдрийн цагаар туршиж дасаарай.
Холбоотой видео
Бусад сэдэв
Эдгээр нь боловсролын мэдээлэл бөгөөд эмнэлгийн зөвлөгөө биш. Эмчилгээ орлохгүй.
Чанартай амьдрал, зөв амьсгалахаас эхэлнэ.
Дараагийн ангид нэгдэх үү?
4 цагийн онлайн сургалт Zoom дээр явагдана — 99,000₮. Бүртгүүлэхэд заавар илгээнэ.